Bakının Nəsimi rayonu, Tbilisi prospektində yaşayan vətəndaşlar aylardır küçə itlərindən təngə gəliblər.
Milli.Az xəbər verir ki, onlar qorxularından evdən çıxmağa ehtiyat edirlər.
Sakinlərin sözlərinə görə, uzun müddətdir bu məsələ onlar üçün kabusa çevrilib. Xüsusən gecə saatlarında vəziyyət daha da acınacaqlı olur.
"Körpə uşaqlarımız var, məktəbə gedirlər. İtlər hücum edir deyə onları qarşılaya bilmirik. Gərək itlər kimisə parçalamalıdır ki, bizə kömək etsinlər?!", - deyə narazı sakinlərdən biri deyib.
Problem ilə bağlı Rayon İcra Hakimiyyətindən bildirilib ki, məsələnin onlara aidiyyəti yoxdur. Əgər vətəndaş müraciət edibsə, bu, aidiyyəti üzrə yönləndirilir.
Asya
Milli.Az
