Böyük Britaniyanın Baş naziri Kir Starmer və ABŞ Prezidenti Donald Tramp cümə axşamı, fevralın 27-də Ukraynaya Avropa sülhməramlılarının yerləşdirilməsi planını müzakirə edə bilərlər.
“Cebheinfo.az” xəbər verir ki, bu barədə “The Wall Street Journal” (WSJ) yazır.
“Starmerin cümə axşamı Trampla ortaya çıxan planı müzakirə edəcəyi gözlənilir. Bunu Avropa rəsmiləri dedilər, lakin çətin ki, Amerikaya kömək üçün konkret müraciət etsin”, - deyə nəşr yazıb.
Trampın fevralın 24-də Fransa Prezidenti Emmanuel Makronla görüşünün planlaşdırıldığı da məlum olub. Görüş çərçivəsində Paris təmsilçisi Amerika liderinə Avropanın Ukraynadakı münaqişə və onun həlli yolları ilə bağlı geniş fikirlərini açıqlayacaq.
Bundan əvvəl Böyük Britaniya və Fransanın Ukraynaya 30 minə qədər sülhməramlı göndərməyi planlaşdırdığı bildirilirdi. London və Parisdən gələn bu təklifin Vaşinqtonun məhdud hərbi rola razı olub-olmamasından asılı olacağı vurğulanıb.
