Bu gün futbol üzrə İtaliya çempionatında (A Seriyası) 2024/2025-ci illər mövsümünün 26-cı turuna yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında “Roma” “Montsa”nı qəbul edib. 9 oyundur məğlubiyyət tanımayan paytaxt təmsilçisi uğursuz seriyasını bu oyunda da davam etdirib. “Canavarlar” autsayderin qapısından 4 cavabsız top keçiriblər.
Beləliklə, 26 turdan sonra 57 xala malik “İnter” vahid liderdir. “Napoli” 56 xalla ikinci, “Atalanta” 54 xalla üçüncü, “Yuventus” 49 xalla dördüncü, “Latsio” 47 xalla beşinci, “Fiorentina” isə 42 xalla altıncıdır. “Milan” və “Bolonya”nın 41, “Roma”nın 40, “Udineze”nin 36, “Torino”nun 31, “Cenoa”nın 30, “Komo”nun 28, “Verona”nın 26, “Kalyari” və “Leççe”nin 25, “Parma”nın 23 xalı var.
İtaliya, A Seriyası
26-cı tur
21 fevral
Leççe – Udineze 0:1
Qol: Lukka, 32-pen.
22 fevral
Parma – Bolonya 2:0
Qollar: Bonni, 37-pen.
Venesiya – Latsio 0:0
Torino – Milan 2:1
Qollar: Tiav, 5-öz qapısına. Ginetis, 76 – Reynders, 74.
İnter – Cenoa 1:0
Qol: L.Martines, 78.
23 fevral
Komo – Napoli 2:1
Qollar: Rrahmani, 7-öz qapısına. Diao, 77 – Raspadori, 17.
Verona – Fiorentina 1:0
Qol: Bernede, 90+5.
Empoli – Atalanta 0:5
Qollar: Qyasi, 27-öz qapısına. Reteqi, 33. Lukman, 43; 55. Zappakosta, 74.
Kalyari – Yuventus 0:1
Qol: Vlahoviç, 12.
24 fevral
Roma – Montsa 4:0
Qollar: Salemakers, 10. Şomurodov, 32. Anxelinyo, 73. Kristante, 88.
