1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Axşam saatlarında Xocalıda texnikanın səsi eşidildi. Yer silkələnirdi. Artıq bildik ki, ermənilər Xocalıya girir. Qırğın başladı, yer-göy lərzəyə gəlirdi".
Bunu Xocalı faciəsi şahidi Firidun Əliyev 1992-ci ilin fevralın 25-dən 26-na keçən gecə baş verənlər barədə Baku TV-yə danışarkən deyib.
Xocalının mühasirəyə alındığını söyləyən F.Əliyev ermənilərin sakinlərə etdiyi zülmləri xatırlayıb:
"Hara getsən, ermənilərin içindən keçməli idin. Səhərə qədər atışma getdi. Faciə zamanı əmimi, bibimi, qardaşımı və onun ailəsini itirdim. Dayım və bütün ailə üzvləri şəhid oldular. Atamla qardaşımın oğlunu ayrı-ayrı girov götürmüşdülər. Babam Mehdinin onun nəvəsi olduğunu deyəndə inanmayıblar. Deyiblər ki, nəvən olmasa, səni öldürəcəyik. Çağıranda qardaşımın oğlu "baba" deyə cavab verib və atam sağ qalıb. Qaytarılandan sonra isə o da həyatını itirdi".
Daha ətraflı Baku TV-nin süjetində:
