Dünyada sahiblik uğrunda yüzlərlə müharibə gedərkən 143 ildir sahibsiz qalan torpaq parçası mövcuddur.
Milli.Az xəbər verir ki, bu, Misir və Sudan arasında yerləşən və heç bir ölkəyə məxsus olmayan 2060 kvadrat kilometr sahəsi olan bir ərazidir.
Bir Tawilin tarixi 1882-ci ildə ingilislərin Misir və Sudanı işğal etməsi ilə başlayır. 1899-cu ildə Böyük Britaniya, Misir və Sudan arasında sərhədin 22-ci paralel boyunca çəkilməsinə qərar verilib. Bu sərhəd bölgəsində Həlaib Üçbucağı Misirə, Bir Tawil isə Sudana verilib. Lakin 1902-ci ildə bu sərhəd yenidən nəzərdən keçirilib və Bir Tawil yenidən Misirə, Həlaib isə Sudana verilib. Misir bu torpağa iddia etməyib, eyni zamanda Sudan da Bir Tawilə iddia etməyərək onu sahibsiz torpaq kimi qəbul edib. Buna görə də, Bir Tawil beynəlxalq hüquqda "terra nullius" (sahibsiz torpaq) olaraq tanınır.
Bölgənin sahəsi Nyu York və London qədər böyüktür, amma əsasən səhra olan bu yerin heç bir əhəmiyyəti yoxdur. Bir Tawil bitki örtüyü və su qaynaqları olmayan bir ərazidir. Buna baxmayaraq, Sudanlı Ababda tayfası bu ərazini öz vətəni kimi qəbul edir və bu torpaqda mədənçilik fəaliyyəti həyata keçirirlər.
Bu ərazidə əhalinin olmaması ilə yanaşı, işçi qüvvəsi əsasən Sudan'ın Darfur bölgəsindən gəlir. Lakin Bir Tawil rəsmi olaraq heç bir dövlətin idarəsində deyil və bu sahə 143 ildir sahibsiz qalır.
Nəticədə, Bir Tawil müasir dövrün ən maraqlı torpaq parçalarından biri olaraq qalır və təkcə dünyanın ən sahibsiz yeri olmaqla kifayətlənmir, eyni zamanda tarixi və siyasi bir paradoks kimi diqqət çəkir.
Fidan
Milli.Az
