“Microsoft” 2025-ci ilin may ayında “Skype” messencer və video konfrans xidmətini həmişəlik bağlayacaq. İstifadəçilərə “Microsoft Teams”-ə keçmək tövsiyə olunur. Bu barədə “XDA Developers” portalı məlumat yayıb.
“Windows” üçün “Skype”-ın ən son önizləmə versiyasında belə bir mesaj var: “May ayından etibarən “Skype” artıq mövcud olmayacaq. “Teams”da zəng etməyə və mesaj yazmağa davam edin."
Xatırladaq ki, “Skype” 2003-cü ildə istifadəyə verilmiş və uzun illər ən populyar mesajlaşma xidməti olaraq qalmışdır.
2011-ci ildə “Microsoft” “Skype”-ı əldə etdi, bundan sonra o, messenceri dəfələrlə yenilədi və dizaynını dəyişdi, konsepsiyasını dəyişdi və tətbiqi digər məhsulları ilə inteqrasiya etməyə çalışdı.
Almaz Həsənli
