Rusiya hərbçiləri Kursk vilayətindən Ukraynanın Sumı vilayətində yerləşən Novenkoye kəndinə keçiblər.
Publika.az xəbər verir ki, bu barədə “Rus baharı” Teleqram kanalı məlumat yayıb.
Bildirilir ki, ukraynalı hərbi ekspertlər Novenkoye kəndinin boz zonada (Ukrayna ordusunun nəzarətində deyil) yerləşdiyi xəritələri dərc etməyə başlamaqla ilk dəfə olaraq Rusiya Silahlı Qüvvələrinin Sumı vilayətinin sərhəddində sıçrayışını etiraf ediblər.
Xatırladaq ki, fevralın 19-da Vladimir Putin Rusiya hərbçilərinin Kursk vilayətində Ukrayna ilə sərhədini keçərək Sumı vilayəti ərazisinə daxil olduğunu açıqlayıb. Onun sözlərinə görə, əməliyyatda 810-cu briqadanın döyüşçüləri iştirak edib.
