Kokos yağı əslində inanıldığı qədər faydalı deyil.
Rusiyalı dietoloq Lyudmila Petrova kokos yağı istehlak etməyin sağlamlıq riskləri barədə xəbərdarlıq edib. Onun sözlərinə görə, bu məhsul yalnız orta dərəcədə istifadə edildikdə təhlükəsizdir.
“Cebheinfo.az” xəbər verir ki, ekspertin fikrincə, kokos yağı nə unikal faydalı, nə də zərərli məhsul sayıla bilər. O xatırladıb ki, belə yağlar demək olar ki, 86% doymuş yağlardan ibarətdir.
“Həddindən artıq doymuş yağlar ürək-damar xəstəlikləri riskini artıra bilər. Kokos yağı aşağı sıxlıqlı lipoproteinlərin, aterosklerozun inkişafında iştirak edən xolesterolun səviyyəsini artıra bilər",- deyə Petrova "Moskva 24" telekanalına müsahibəsində bildirib.
Bu baxımdan, dietoloq gündə bir xörək qaşığı və ya 15 qramdan çox olmayaraq kokos yağı yeməyi məsləhət görüb. O, həmçinin pəhrizdə əsas yağ mənbəyi kimi istifadə edilməməsi barədə xəbərdarlıq edib.
