"Barselona"nın futbolçusu "Qalatasaray"a keçə bilər.
Offsideplus.az xəbər verir ki, söhbət İnaki Penadan gedir. Bu barədə "Sabah" nəşri məlumat yayıb. İspaniyalı qolkiper Kataloniya təmsilçisi ilə yeni müqavilə üçün razılıq əldə edə bilməyib. "Cim-Bom"un qarşıdakı günlərdə görüşəcəyi 26 yaşlı qapıçı keçmiş klubuna qayıtmağa pozitiv yanaşır.
Qeyd edək ki, Pena 2022-ci ildə icarə əsasında "Qalatasaray"da çıxış edib. Onun Kataloniya təmsilçisi ilə müqaviləsinin müddəti 2026-cı ildə başa çatacaq.
