Ukrayna Prezidenti Volodimir Zelenski ötən gün Səudiyyə Ərəbistanının paytaxtı Ər-Riyadda keçirilmiş ABŞ-Rusiya danışıqlarına münasibət bildirib.
Parol.az xəbər verir ki, CNN Türk-ün suallarını cavablandıran Zelenski danışıqların vaxtının onun Səudiyyə Ərəbistanına səfərinə təsadüf etdiyini vurğulayıb.
“Mən istəmirəm ki, bu bir oyun təsiri bağışlasın. Bu, oyun deyil. Ukrayna üçün etimadın itirilməsini istəmirik. Çünki çox sayda təsadüf var. Bizi çağırmayıblar. Ukraynalılar özlərini aldadılmış hiss edirlər. Mən xalqımın hissləri ilə oynanılmasını istəmirəm”, - V.Zelenski qeyd edib.
