“Əksərimiz Rusiyaya baxıb deyirik ki, iqtisadiyyatı böhran içindədir, hərbi qüvvələr o qədər də sürətlə hərəkət etmir, çoxlu itkilər verirlər. Amma Rusiyaya Rusiya tarixi, rus mədəniyyəti və Rusiyanın indiki mexanizmləri vasitəsilə baxmaq lazımdır. Putin müharibə maşını qurur”.
Demokratikmusavat.com xəbər verir ki, bunu NATO-nun keçmiş Müttəfiq Qüvvələrinin Ali Baş Komandanı Uesli Klark Ukraynadakı müharibə ilə bağlı mövqeyini şərh edərkən deyib.
“Rusiyada hərbi-sənaye kompleksi Çin, İran və Şimali Koreyadan əhəmiyyətli dəstək alaraq gecə-gündüz işləyir. O, əslində, bütün işçi qüvvəsindən istifadə etmir. Bunu ucuz qiymətə etməyə çalışır”, - o qeyd edib.
Tramp-Zelenski arasındakı qalmaqala gəldikdə isə Klark bildirib ki, Ağ Evdəki bu hadisə Avropadan və Ukrayna xalqından Zelenskiyə və Ukraynaya dəstəyə səbəb oldu. "Onlar Ukraynanı Rusiyaya təslim etmək fikrində deyillər", - o əlavə edib.
Rusiya-Ukrayna müharibəsinin nə zaman bitəcəyi ilə bağlı məsələni şərh edən Klark deyib ki, müharibə tezliklə bitməyəcək. “Lakin Putin danışıqlarda güclü mövqeyə malikdir”, - o vurğulayıb.
Abbas, Demokratikmusavat.com
