Biz dünyanın 100 ölkəsində böyük bir təşkilat yaradacağıq ki, Azərbaycan biznesini birləşdirsin.
“Caspian Energy Club”un idarə heyətinin sədri, baş icraçı direktor Telman Əliyev bu gün Bakıda keçirilən Azərbaycan, Latviya, Estoniya və Finlandiya arasında biznes əlaqələrin inkişafına dair “B2B Forum”unda deyib.
O bildirib ki, bu ildən etibarən Azərbaycan Milli Biznes Assosiasiyası yaranır:
“Biz dünyanın 100 ölkəsində böyük bir təşkilat yaradacağıq ki, Azərbaycan biznesini birləşdirsin. Bir çox ölkədə Azərbaycan biznesi fəaliyyət göstərir. Bu istiqamətdə də dəstəyə ehtiyacımız var. Əməkdaşlığımızın ikitərəfli olmasını istəyərdik. Çünki ikitərəfli hərəkət daha uğurlu olur”.
// APress.az
