Futzal üzrə Avropa çempionatının (AÇ-2026) əsas mərhələsində Yunanıstanla üz-üzə gələcək Azərbaycan millisinin heyətində dəyişiklik edilib.
Arena.az xəbər verir ki, bu barədə Azərbaycan Futzal Federasiyasının rəsmi saytı məlumat yayıb.
Xəbərdə bildirilir ki, baş məşqçi Vitali Borisovun qərarı ilə Seymur Məmmədovun əvəzinə toplanışa “Baku Fire”nin üzvü Fərid Abbasov qatılıb.
Qeyd edək ki, millimiz martın 11-də Afinada Yunanıstan yığması ilə üz-üzə gələcək.
