Bakı, 4 mart, AZƏRTAC
Yeniyetmə boksçulardan ibarət Azərbaycan millisi Gürcüstana yollanıb.
Boks Federasiyasından AZƏRTAC-a verilən məlumata görə, Vaqif Kazımovun baş məşqçisi olduğu komanda Qori şəhərində təlim-məşq toplanışına başlayıb.
Gürcüstan yığması ilə keçirilən hazırlıqda Azərbaycanın 22 boksçusu iştirak edir. Məşqlər martın 15-də başa çatacaq və millimiz ertəsi gün Bakıya qayıdacaq.
