Fransanın "Thales" sənaye qrupu 2024-cü ili gözləniləndən daha yaxşı başa vurub. Beləliklə, istehsalçının xalis mənfəəti 39% artaraq 1,42 milyard avroya çatıb və ilin sonunda sifarişlər kitabı 50,6 milyard avroya yüksəlib.
Valyuta.az xəbər verir ki, qrupun il ərzində gəliri 20,6 milyard avro təşkil edib. Bu da 2023-cü ilin göstəricisindən 12% yaxşıdır.
"Thales"in dividend ödəməsini müəyyən etmək üçün istifadə etdiyi düzəliş edilmiş xalis mənfəət 7% artaraq 1,9 milyard avroya çatıb, hər ikisi də analitiklərin şirkətin özü tərəfindən əvvəllər təqdim etdiyi proqnozdan daha yaxşıdır. Onlar sənaye nəhənginin gəlirinin 20,1 milyard avro, düzəliş edilmiş mənfəətinin isə 1,75 milyard avro olacağını gözləyiriblər.
2024-cü ildə "Thales"in aerokosmik sahədə xalis sifariş axını 2023-cü ildən 15% artaraq 6,4 milyard avro təşkil edib. Eyni zamanda, müdafiə sifarişlərinin axını rekord səviyyəyə - 14,7 milyard avroya çatıb.
Belə bir uğurlu hesabat və "Thales"in dividendləri hər səhmə görə, 3,4 avrodan 3,7 avroya qədər artırmaq qərarı fonunda sənaye qrupunun səhmlərinin qiyməti Paris ticarətində 11% artıb.
Paşa Məmmədli
