Fransa çempionu PSJ-nin ispaniyalı baş məşqçisi Luis Enrike Premyer Liqanın lideri "Liverpul"la qarşıdakı oyundan gözləntiləri haqda danışıb.
"Operativ Media" xəbər verir ki, komandalar Çempionlar Liqasının 1/8 final mərhələsində üz-üzə gələcək.
"Qazanmaq üçün heç nə icad etmək lazım deyil. İdeyalarımıza sadiq olmalıyıq, topa rəqibimizdən daha çox nəzarət etməli, daha çox şans yaratmalı, effektiv müdafiə olunmalıyıq. "Liverpul" 2019-cu ildə Çempionlar Liqasının qalibi olub. Son illərdə Avropanın ən yaxşı komandalarından biridir. Arne Slot üçün Yurgen Kloppun həmin klubdakı işini üstələmək çətin olacaq, lakin o, praktiki olaraq mükəmməl komanda yaratmağı bacarıb. Bu, bizi ən yaxşısını göstərmək üçün motivasiya edir. Biz ən yaxşılardan geri qalmırıq. Gərgin, çətin və ən yaxşı qarşıdurmalardan biri olacaq".
PSJ və "Liverpul" arasında ilk oyun bu gün keçiriləcək.
