Ermənistanın baş naziri Nikol Paşinyan bəyan edib ki, İrəvan İrana qarşı aksiyalarda iştirak etməyəcək. O iranlı jurnalistlərin Qərb ölkələrindən mümkün təhlükə zamanı Ermənistanın rolu ilə bağlı sualını belə cavablandırıb.
“Təhdidin nə nəzərdə tutulduğunu aydınlaşdırmaq lazımdır, lakin biz bəyan etmişik ki, Ermənistan Respublikası İran İslam Respublikasına qarşı heç bir aksiyada iştirak etməyəcək. Bizim təbii maraqlarımız bizi bir-birimizin dövlət maraqlarına qarşılıqlı münasibətdə qəbul edilən faktordur”, – Nikol Paşinyan bildirib.
Ermənistan liderinin sözlərinə görə, İrəvan İranın təhlükəsizliyinə hörmət edir və ABŞ-la imzalanan strateji tərəfdaşlıq sənədi Tehrana problem yaratmayacaq. Paşinyan həmçinin İrəvanın xarici siyasəti kontekstində regional maraqlarının vacibliyini vurğulayıb. “Biz bütün münasibətlərimizdə regional maraqlarımızı nəzərə almağa çalışırıq və bundan sonra da bu yanaşmanı rəhbər tutacağıq”, – Paşinyan vurğulayıb.
//Samir Qurbanov, Editor.az
