Belarus prezidenti “Vaqner”in yaradıcısı Yevgeni Priqojinin 2023-cü ilin iyunundakı üsyanı zamanı nüvə silahı əldə etməyə cəhd etdiyinə inandığını və bunun təkcə Rusiyada deyil, həm də Qərbdə narahatlıq doğurduğunu bildirib.
Demokratikmusavat.comxəbər verir ki, bunu Aleksandr Lukaşenko amerikalı bloger Mario Naufalla müsahibəsində deyib.
"Mən hiss etdim ki, Jenya Priqojin nüvə düyməsinə can atır. Mən bunu dərhal deyil, günün ortasında başa düşdüm. Mən heç ağlıma da gətirmirdim ki, Jenya Priqojin belə dəlilik etmək istəyər", - Lukaşenko qeyd edib.
O vurğulayıb ki, Rusiya hakimiyyəti hadisələrin belə inkişafına imkan verməzdi ki, bu da Qərb ölkələri üçün qəbuledilməzdir.
Lukaşenko onu xatırladıb ki, Priqojinlə telefon danışıqları zamanı o, “Vaqner” üzvlərinin Belarus ərazisinə gedəcəyinə razılaşıb. “Bununla da münaqişə başa çatdı”, - o qeyd edib.
Mürtəza
Demokratikmusavat.com
