Astanada “KTZ Express” ASC (KTZ-nin törəmə şirkəti) ilə Çinin nəqliyyat və logistika infrastrukturu sahəsində ən böyük şirkətlərindən biri olan “Shandong Hi-Speed Group”un rəhbərliyi arasında görüş keçirilib.
Avtosfer.az “Qazaxıstan Dəmir Yolu” SC-nin mətbuat xidmətinə istinadla xəbər verir ki, danışıqlar zamanı tərəflər yükdaşımaların həcminin artırılması, əməkdaşlığın genişləndirilməsi və yeni logistik həllərin tətbiqi perspektivlərini müzakirə ediblər.
İclasın əsas mövzuları aşağıdakılar olub: Trans-Xəzər Beynəlxalq Nəqliyyat Marşrutu (TITR) ilə kənd təsərrüfatı məhsullarının daşınmasının həcminin artırılması; Mərkəzi Asiya ölkələrinə konteyner qatarlarının sayının artırılması; daşıma səmərəliliyini artırmaq üçün ikimərtəbəli konteynerlərdən istifadə imkanları.
Danışıqlar Qazaxıstan və Çinin nəqliyyat-logistika əlaqələrinin gücləndirilməsində və multimodal marşrutların inkişaf etdirilməsində qarşılıqlı marağı olduğunu bir daha təsdiqləyib.
