Vətəninfo.az xəbər verir ki, Ağ Evin sözçüsü Karolin Levitt martın 5-də keçirdiyi brifinqdə bildirib ki, ABŞ Milli Təhlükəsizlik Şurası hazırda Ukrayna üçün maliyyələşməni nəzərdən keçirir.
“Mənə Milli Təhlükəsizlik Şurasında məlumat verilib ki, hazırda Ukraynanın maliyyələşdirilməsinə yenidən baxılır. Kəşfiyyatla bağlı məsələlərə gəlincə, lütfən, Milli Təhlükəsizlik Şurası və ya Mərkəzi Kəşfiyyat İdarəsi ilə əlaqə saxlayın”, – o, müxbirin Ukrayna ilə kəşfiyyat məlumatlarının mübadiləsinin dayandırılmasının müvəqqəti və ya daimi olması ilə bağlı sualına cavabında deyib.
Bir müddət əvvəl Britaniyanın Sky News kanalı ukraynalı mənbəyə istinadən xəbər vermişdi ki, Vaşinqton Kiyevlə kəşfiyyat məlumatlarını paylaşmağı tamamilə dayandırıb.Öz növbəsində Mərkəzi Kəşfiyyat İdarəsinin direktoru Con Ratkliff ABŞ-ın Ukraynaya kəşfiyyat və silah tədarükünü dayandırdığını açıqlayıb.Fox News müxbirinə verdiyi müsahibədə Ratcliffe vəziyyəti “hərbi məsələlər və kəşfiyyatla bağlı fasilə” kimi təsvir etdi.Sky News-un məlumatlı mənbələri qeyd ediblər ki, kəşfiyyat məlumatlarının ötürülməsinə qoyulan məhdudiyyət selektiv xarakter daşıyır: Rusiya ərazisindəki hədəflərə hücum etmək üçün istifadə oluna biləcək məlumat verilməyib.
