Cənubi Koreyada bir döyüş təyyarəsi təlim məşqi zamanı təsadüfən mülki əraziyə 8 bomba atıb və nəticədə 7 nəfər yaralanıb.
SeherXeber.org xəbər verir ki, bu barədə Cənubi Koreya Hərbi Hava Qüvvələrinin bəyanatında deyilir.
Məlumatda qeyd edilir ki, KF-16 qırıcı təyyarəsi tərəfindən MK-82 bombaları uçuş məsafəsindən kənara düşüb və mülki şəxslərə ziyan vurub.
Hərbi Hava Qüvvələri qəzanın səbəblərini araşdırmaq və mülki şəxslərə dəyən ziyanı qiymətləndirmək üçün komissiya yaradacağını bildirib.
Məlumatda bildirilir ki, qırıcı təyyarə Hərbi Hava Qüvvələri və ordu arasında birgə canlı atəş təlimlərində iştirak edir.
Hərbi Hava Qüvvələri mülki şəxslərə dəymiş ziyana görə üzr istəyib və yaralananların tezliklə sağalacağına ümid etdiyini bildirib.
Mürtəza
SeherXeber.org
