"Pokemon" cizgi filminin sevilən personajı Charizard-a bənzəyən cips hərracda rekord qiymətə - 87 840 dollara satılıb.
Sfera.az “CNN Türk” nəşrinə istinadən xəbər verir ki, Goldin hərrac evi bu qəribə qəlyanaltının bazar günü satıldığını bildirib.
Açıqlamada qeyd olunub ki, təklif olunan məhsul Pokemon Charizard şəklində 7,6 sm uzunluğunda cips markasından birinə məxsusdur. Xüsusi bir Pokemon kartında sabitlənib və şəffaf kart saxlama qutusuna yerləşdirilib.
İlk dəfə 2018-2022-ci illər arasında kəşf edilib və satıldığı vaxta qədər saxlanılıb. 2024-cü ilin sonunda sosial media platformalarında böyük diqqət görüb.
Fidan Hacızadə
