ABŞ prezidenti Donald Tramp Vaşinqtonun NATO-dakı fəaliyyətində əsaslı dəyişikliklər etməyi düşünür.
NOCOMMENT.az xəbər verir ki, bu barədə NBC telekanalı Amerika administrasiyasının üç hazırkı və bir keçmiş yüksək rütbəli məmuruna, həmçinin bir konqresmenə istinadən məlumat yayıb.
Onlar deyirlər ki, Tramp ümumi daxili məhsulunun (ÜDM) müəyyən faizini müdafiəyə xərcləyən alyans üzvlərinin müdafiəsinə üstünlük verməyi düşünür.
NBC yazır: “Potensial siyasət dəyişikliyinə əsasən, ölkə müdafiə xərcləri həddinə çatmasa, ABŞ hücuma məruz qalan başqa bir NATO üzvünü müdafiə edə bilməz”.
Qeyd olunur ki, bu, Şimali Atlantika Alyansının bir NATO üzvünə hücumun bütün bloka hücum demək olduğunu bildirən beşinci, əsas maddəsindən əhəmiyyətli dərəcədə uzaqlaşma olacaq.
