1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
UEFA Konfrans Liqasında 1/8 final mərhələsinin ilk görüşləri baş tutub.
Oxu.Az xəbər verir ki, maraqlı qarşılaşmalardan biri Yunanıstanda keçirilib.
"Panatinaikos" İtaliya təmsilçisi "Fiorentina" ilə üz-üzə gəlib. Oyun birincilərin 3:2 hesabı ilə yekunlaşıb. "Panatinaikos"dan Sviderski, Maksimoviç, Tete, "Fiorentina"dan isə Beltran, Facoli fərqləniblər.
Bu mərhələ çərçivəsində digər görüşdə "Kopenhagen" "Çelsi"ni qəbul edib. Matç londonluların qələbəsi ilə başa çatıb - 1:2. Danimarka təmsilçisindən yeganə qolu Qabriel Pereyra vurub. "Çelsi"dən qollara isə Ceyms və Fernandes imza atıblar.
Turun "Real Betis" - "Vitoriya Gimaraeş" görüşü heç-heçə başa çatıb - 2:2. İspaniya təmsilçisindən Bakambu, İsko, qonaqlardan isə Mendeş və Oliveyra fərqləniblər.
"Molde" - "Legia" matçı birincilərin 3:2 hesablı qələbəsilə nəticələnib. Ev sahiblərindən qolları Hestad, Eriksen, Qulbrannsen vurublar. Polşa təmsilçisindən isə Çodina və Lukinyas fərqləniblər.
