Fransa prezidenti Emmanuel Makron Rusiyanın demilitarizasiya və sülhün bağlanması üçün Ukraynaya neytral statusun verilməsi tələblərini qəbuledilməz hesab etdiyini bildirib.
Makron deyib ki, Rusiya 2022-ci ildə İstanbulda keçirilən danışıqlarda öz istəklərini açıq şəkildə ifadə edib və bəzi funksionerlər də bunu təkrarlayıb. Heç bir NATO, heç bir xarici qoşun və rusların neytral ölkə kimi görmək istədiyi Ukraynanın demilitarizasiyası şərtlərini qəbul edə bilməz.
Onun sözlərinə görə, bu şərtlər “2014-cü ildən də pisdir”.
Xüsusi hərbi əməliyyata başlayandan sonra Rusiya ilə Ukrayna arasında ilk danışıqlar 2022-ci ilin martında Belarusda aparılsa da, heç bir real nəticə əldə etməyib. 2022-ci il martın 29-da növbəti mərhələ İstanbulda baş tutdu və Moskva Kiyevdən ilk dəfə olaraq kağız üzərində yazılmış gələcək mümkün razılaşmanın prinsiplərini aldı. O, digər məsələlərlə yanaşı, Ukraynanın neytral, bloklara qoşulmama statusu və onun ərazisində xarici silahları, o cümlədən nüvə silahlarını yerləşdirməkdən imtina etməsi ilə bağlı öhdəlikləri də əhatə edirdi. Lakin danışıqlar prosesi pozuldu, Kiyev təklif olunan şərtlərlə sülh bağlamaqdan imtina etdi və elə həmin ilin oktyabrında Vladimir Zelenski Ukrayna Milli Təhlükəsizlik və Müdafiə Şurasının Rusiya prezidenti Vladimir Putinlə danışıqların aparılmasının mümkünsüzlüyü barədə qərarını qüvvəyə mindirdi.
O vaxtdan bəri Rusiya dəfələrlə 2022-ci il İstanbul sənədi əsasında sülh danışıqlarını bərpa etməyə hazır olduğunu bildirib.
Əziz Mustafa, Oxuməni.az
