Anklavı şimal və cənub hissələrə ayıran Netzarim humanitar dəhlizinin açılmasından sonra fələstinlilər Qəzza zolağındakı evlərinə qayıdırlar. İsrail tərəfi nəzarət-buraxılış məntəqələrini HƏMAS-ın yanvarın 31-dək üç girovu azad etməsi müqabilində açıb.
Fələstinlilər yanvarın 25-də Netzarim keçid məntəqəsinə çatıblar. AFP-nin görüntüləri insanların sahil boyu uzanan Ər-Rəşid yolu ilə getdiyini göstərir. Onlar şəxsi əşyalarını əllərində daşıyırlar.
İsrail Qəzza zolağında hərbi əməliyyatların başlamasından az sonra şimaldakı mülki vətəndaşlara ərazini tərk etməyi əmr etmişdi. Artıq 2023-cü ilin oktyabrında 1 milyona yaxın insan sektorun cənubuna köçmüş və bu günə qədər evlərinə qayıtmağa icazə verilməmişdi. Yanvarın 19-da qüvvəyə minən İsrail-Həmas razılaşmasının şərtlərinə görə, İsrail ordusu atəşkəsin yeddinci günündə mövqelərini tərk etməli və fələstinlilərin Qəzzanın şimalına qayıtmasına icazə verməli idi. Bununla belə, yanvarın 25-də İsrailin baş naziri Benyamin Netanyahu bildirib ki, Ərbel Yehudun azad edilməsi məsələsi həll olunmayana qədər mülki əhali Qəzza zolağının şimalına qayıda bilməyəcək.
Bu əsasda İsrail öz qoşunlarını Netzarim dəhlizindən çıxarmaq öhdəliyindən imtina etmişdi.
//Samir Qurbanov, Editor.az
