Avropanın təhlükəsizliyini təmin etmək üçün Avropa ölkələrinin müdafiə büdcələrini artırmaq və hərbi texnika istehsalını genişləndirmək lazımdır.
BAKU.WS "Report"a istinadən xəbər verir ki, bunu NATO-nun baş katibi Mark Rutte bildirib.
"Təhlükəsizliyimizi təmin etmək üçün daha çox xərcləməli olacağıq. Lakin biz həm də Atlantikanın hər iki tərəfində müdafiə istehsalımızı sürətlə artırmalıyıq ", - o vurğulayıb.
Şimali Atlantika Müqaviləsi Təşkilatına Avropanın böyük hissəsi, eləcə də ABŞ və Kanada daxildir. M.Ruttenin sözlərinə görə, döyüş sursatı, gəmilər, tanklar, təyyarələr, həmçinin pilotsuz uçuş aparatları lazımdır.
Avropa ölkələri ABŞ Prezidenti Donald Trampın Kiyevə hərbi yardımı dayandırmaq qərarı şəraitində müdafiə xərclərini artırmağa və Ukraynaya dəstəyi qoruyub saxlamağa çalışırlar.
