"Belə xoşagəlməz hadisənin yaşanmasını istəməzdim" - Qurban Qurbanov

"Qarabağ" Misli premyer-liqasının 26-cı tur matçında "Araz-Naxçıvan"ın meydanından qalib ayrıldı - 3:1.

"Football-plus.az" xəbər verir ki, "köhlən atlar"ın baş məşqçisi Qurban Qurbanov oyunsonrası mətbuat konfransında jurnalistlərin suallarını cavabladı.

- Futbolçularımı təbrik edirəm. Bizimlə olan azarkeşlərimizə təşəkkür edirəm. Çox vacib üç xal qazandıq.

- Meydanda baş verən mübahisə haqda fikirləriniz necədi?
- Rəqib matçın əvvəlindən aqressiv görünürdü. Sonu belə bitdi. Futbolda kütləvi atışmaların baş verməsi mümkündü. Belə xoşagəlməz hadisənin yaşanmasını istəməzdim. Əl-qol atmaq, lazımsız ifadələr işlətmək yolverilməzdi.

- Yayda transferlərin sayı çox olacaq?
- Ola bilər. Dəqiq say deyə bilmərəm. Bəzən istədiyimiz futbolçuların klubuyla müqaviləsi olur. Hər halda, dəyişikliklər edəcəyik.

- Komanda sayı artacaq. Bu və legioner limitinin ləğvi oyunlara necə təsir edəcək?
- Dəqiq nəsə demək olmur. Amma mütləq fərqli-fərqli oyunların şahidi olacağıq. Ola bilsin ki, çempionat aktiv keçəcək.

- Premyer-liqada oyun sayının 33-ə enməsi "Qarabağ" üçün problem yarada bilərmi?
- İnandırıcı görünmür. Kubok matçları da olacaq. Oyun sayının azlığı problem deyil. Əsas odu ki, keyfiyyəti yüksək olsun. Belədə inkişaf edə bilərik.

KƏNAN BAHADIR

• Araz-Naxçıvan
• Futbol
• Qarabağ
• Mətbuat Konfransı
• Müsahibə
• Azarkeşlər
• Qurban Qurbanov
• Xallar