Rusiya Daxili İşlər Nazirliyi 685 minə yaxın əcnəbini nəzarət edilən şəxslərin reyestrinə daxil edib.
Yeniavaz.com "Kommersant"a istinadən xəbər verir ki, bu barədə ölkənin Daxili İşlər Nazirliyindən məlumat verilib.
Bildirilib ki, 685 minə yaxın xarici vətəndaşın Rusiyada olması üçün qanuni əsasları yoxdur. Reyestrin məqsədi Rusiyada qeyri-qanuni yaşayan əcnəbilərin sayını məhdudlaşdırmaq və onları leqallaşdırmağa məcbur etməkdir. Əcnəbilər aprelin 30-dək ölkədə qalmalarını qanuniləşdirməlidirlər. Onlar aprelin 30-dək daxili işlər orqanlarına gəlməli, qalmalarını qanuniləşdirməli, lazımi sənədləri təqdim etməlidirlər və yalnız bundan sonra onlar bu reyestrdən çıxarılacaqlar.
