“Çelsi”nin sağ cinah müdafiəçisi Ris Ceyms yarımmüdafiəçi kimi oynaması haqda danışıb.
Sportinnfo.az xarici KİV-ə istinadən xəbər verir ki, o, bu mövqedə zaman keçdikcə təkmilləşəcəyini düşünür:
“Harada oynayacağıma mən qərar vermirəm. Hər şey baş məşqçidən asılıdır. Mənim üçün bu rol artıq kifayət qədər tanışdır və zaman keçdikcə təkmilləşəcəm”.
Komandanın baş məşqçisi Enzo Mareska bu mövsüm bir sıra matçlarda, o cümlədən Konfrans Liqasında “Kopenhagen”lə son qarşılaşmada ingilis futbolçunu yarımmüdafiədə sınayıb.
