1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ-nin Hökumətin Effektivliyi Departamentinin (DOGE) rəhbəri milyarder İlon Mask və dövlət katibi Marko Rubio "X" sosial şəbəkəsində Polşanın xarici işlər naziri Radoslav Sikorski ilə mübahisə ediblər.
Oxu.Az news.ru-ya istinadən xəbər verir ki, iş adamı polşalı diplomatı kiçik adam adlandırıb və ondan susmasını tələb edib.
Sikorski qeyd edib ki, "Starlink" peyk rabitə sistemi Polşanın Rəqəmsallaşma Nazirliyi tərəfindən 50 milyon dollara maliyyələşdirilir. Onun sözlərinə görə, "SpaceX" etibarsız təchizatçı olduğunu sübut etsə, Varşava başqalarını axtaracaq.
"Kəs səsini, kiçik adam! Siz xərcin yalnız bir hissəsini ödəyirsiniz. "Starlink"in əvəzi yoxdur", - deyə Mask cavab yazıb.
Rubio mübahisəyə qoşulub və qeyd edib ki, Ukraynanın "Starlink"lə əlaqəsini kəsmək təhlükəsi yoxdur. O, Sikorskidən minnətdarlıq tələb edib.
"Çünki "Starlink" olmasaydı, Ukrayna bu müharibəni çoxdan uduzardı, ruslar isə indi Polşa ilə sərhəddə olardılar", - dövlət katibi vurğulayıb.
