Hacıqabul Rayon Uşaq və Ailələrə Dəstək Mərkəzində 8 Mart - Beynəlxalq Qadınlar Günü münasibətilə tədbir keçirilib.
QHT.az xəbər verir ki, tədbirdə Hacıqabul Rayon İcra Hakimiyyətinin nümayəndələri, Dövlət İdarələri və İctimai Xidmət İşçiləri Həmkarlar İttifaqı Hacıqabul Rayon Komitəsinin əməkdaşları və Şirvan 1 saylı mediasiya təşkilatının sədri iştirak edib.
Təbdir zamanı ailələrdə və cəmiyyətdə qadınların rolu, boşanmaların səbəbləri, ailə mübahisələrinin həlli mövzusunda müzakirələr aparılıb.
Şirvan 1 saylı mediasiya təşkilatının rəhbəri Taryel İsgəndərov mövzu ətrafında çıxışlar etdib və ailə mübahisələrində alternativ həlli kimu mediyasiyanın rolunu qeyd edib.
