Təcili yardım xidmətləri Rusiyanın Ufa şəhərinin İnternatsionalnaya küçəsində yerləşən yaşayış binasının həyətində minik avtomobilinin yerin 8 metr altına batmasına səbəb olmuş çökmənin səbəblərini araşdırır.
Hafta.az “İslamnews" nəşrinə istinadla xəbər verir ki, “REN TV" qorxu filminə bənzəyən fövqəladə olayın kadrlarını telegram-kanalında dərc edib.
Onlar həyətdə dayanmış avtomobillə birlikdə qarla örtülmüş torpağın necə çökdüyünü, inersiya səbəbindən maşının həyəcan siqnalı çaldığını göstərir. Bu zaman yaxınlıqdakı hündür ağac ayaq çökməyə duruş gətirib.
Hadisə yerinə gələn xilasedicilər “Lada Kalina”nın diametri 7 metr, dərinliyi 8 metr olan çuxura düşdüyünü müəyyən ediblər. Avtomobil yaranmış çüxurun dibinə damı üstə düşüb. Maşın xüsusi avadanlıq vasitəsilə çıxarılıb. Xoşbəxtlikdən hadisə zamanı salonda heç kim olmayıb.
