ABŞ dövlət katibi Marko Rubio bildirib ki, hakimiyyət hələ də ABŞ-ın Rusiyaya qarşı sanksiyalarını ləğv etmək üçün addım atmayıb. Eyni zamanda o vurğulayıb ki, sanksiyalar məsələsi bu və ya digər şəkildə Ukraynada gələcək sülh danışıqlarında müzakirə mövzusuna çevriləcək.
Bu baxımdan Avropa ölkələri nizamlamada iştirak etməlidir. “Rusiyaya qarşı tətbiq edilən bütün sanksiyalar qüvvədə qalır. “Onun aradan qaldırılması üçün heç bir addım atılmayıb”, – Marko Rubio mətbuat konfransında deyib. Eyni zamanda o vurğulayıb ki, Rusiya hərbi əməliyyatları dayandırmağa razı olmasa, ona qarşı tədbirlərlə hədələmək qeyri-konstruktiv olar.
“Avropalılar Rusiyaya qarşı bir sıra sanksiyalar tətbiq ediblər. Güman edirəm ki, Rusiya ilə istənilən danışıqlarda, əgər onlara çatsaq, ona qarşı tətbiq olunan Avropa sanksiyaları məsələsini qaldıracaq. Ona görə də hesab edirəm ki, dondurulmuş aktivlərin taleyi və s.-ni demirəm, Avropa sanksiyaları məsələsi müzakirə olunacaq”, – deyə Marko Rubio izah edib.
“Bloomberg” mənbələrə istinadən xəbər verir ki, ABŞ prezidenti Donald Trampın müşavirləri Rusiyaya qarşı sanksiyaları yumşaltmaq, o cümlədən Rusiya neftinin qiymətinin 60 dollardan yuxarı həddi ilə bağlı plan üzərində işləyirlər. “Reuters”in məlumatına görə, Vaşinqtonun sanksiyalar siyasətində dəyişiklik Moskvanın atəşkəs razılaşmasından asılıdır. KİV xəbər verir ki, Rusiya və ABŞ növbəti görüşlərində Rusiyanın enerji sektoruna qoyulan məhdudiyyətlərin yumşaldılmasını müzakirə edə bilərlər.
//Samir Qurbanov Editor.az
