Mütəxəssislər südlü qəhvədən imtina etməyi tövsiyə edirlər.
E-saglam.az xəbər verir ki, süd, qəhvənin antioksidant təsirini zəiflədərək bədəni xəstəliklərdən qoruyan faydalı birləşmələrin təsirini azalda bilər. Eyni zamanda, südlü qəhvə kalorili olduğu üçün arıqlamağa mane olur və çəki artımına səbəb ola bilər.
Qara qəhvə isə ürək sağlamlığını dəstəkləyir, qaraciyəri qoruyur və metabolizmanı sürətləndirərək çəkiyə nəzarət etməyə kömək edir. Mütəxəssislər daha sağlam alternativlərə üstünlük verməyi tövsiyə edirlər. Xüsusilə bitki mənşəli və ya yağsız südlər ənənəvi südə nisbətən daha sağlam seçim ola bilər.
Bundan əlavə, qəhvəyə şəkər əlavə etmək də onun sağlamlıq faydalarını azalda bilər. Əgər qəhvədən maksimum fayda əldə etmək istəyirsinizsə, onu südsüz və şəkərsiz içmək daha məqsədəuyğundur.
Tərcümə: Könül Oruc
