İran müxalifətinin liderlərindən biri hesab edilən Mehdi Kərrubi 14 il davam edən ev dustaqlığından azad olunacaq.
ISNA agentliyi xəbər verir ki, bu barədə siyasətçinin oğlu məlumat yayıb.
Onun oğlu Hüseyn Kərrubi atasına qarşı məhdudiyyətlərin məhkəmə hakimiyyətinin qərarı ilə bu gün aradan qaldırıldığını bildirib.
Xatırladaq ki, 2009-cu ildə prezident seçkisinin nəticələrinə etiraz edən M.Kərrubi 2011-ci ildən ev dustaqlığında saxlanılırdı.
