Ukrayna bu dəfə Tatarıstanı VURDU

3 Ukrayna pilotsuz təyyarəsi Tatarıstanın Yelabuqa və Nijnekamsk şəhərlərində (Rusiya Federasiyasının bir hissəsi) yerləşən müəssisələrin binalarına hücum edib. Vətəninfo.az xəbər verir ki, bu barədə Rusiya mətbuatı məlumat yayıb.
Yerli əhalinin verdiyi məlumata görə, səhər saat altı radələrində Alabuğa xüsusi iqtisadi zonasında da partlayışlar baş verib, nəticədə 5 nəfər xəsarət alıb.

Tatarıstanın rəhbəri Rüstəm Minnixanov müəssisələrdə texnoloji prosesin pozulmadığını, lakin zərərçəkənlərin olduğunu bildirib.

“Bu gün səhər respublikanın Yelabuqa və Nijnekamskdakı müəssisələri pilotsuz təyyarələrlə hücuma məruz qalıb.

Ciddi ziyan yoxdur, müəssisələrin texnoloji prosesi pozulmayıb. Yelabuqada təəssüf ki, ərazinin dağıdılması nəticəsində xəsarət alanlar var. Onlara lazım olan bütün yardımlar göstərilir”, – deyə respublika başçısı vurğulayıb.

Hücuma görə məsuliyyəti Ukraynanın kəşfiyyat xidməti üzərinə götürüb.