®“Ziraat Bank Azərbaycan”dan Milli Suverenlik və Uşaq Bayramı Günü münasibətilə təşkil olunan tədbirə dəstək!

Daim korporativ sosial məsuliyyət strategiyasına sadiqliyi ilə diqqətləri öz üzərinə çəkən “Ziraat Bank Azərbaycan” bu dəfə Türkiyənin Gəncədəki Baş konsulluğunun təşkilatçılığı və Gəncə Şəhər İcra Hakimiyyətinin iştirakı ilə keçirilən tədbirə dəstək olub. Tədbir şəhid və qazi övladları, həmçinin kimsəsiz uşaqlar üçün təşkil olunub. Hər il ənənəvi olaraq təşkil olunan tədbirdə Gəncə Uşaq İncəsənət Məktəbinin, Gəncə Dövlət Filarmoniyasının, Gəncə Uşaq Evinin, Fikrət Əmirov adına 1 saylı Uşaq Musiqi Məktəbinin, Aşıq Şəmşir adına Göygöl Rayon Musiqi Məktəbinin istedadlı şagirdlərinin təqdimatında bir-birindən maraqlı çıxışlar izlənilib.

Bankın dəstəyi ilə tədbirdə iştirak edən bütün uşaqlara Türkiyənin Gəncədəki Baş konsulluğu tərəfindən hədiyyələr təqdim edilib.

Qeyd edək ki, “Ziraat Bank Azərbaycan” ASC, Türkiyəyə məxsus, 160 illik tarixə malik olan “Ziraat Maliyyə Qrupu”nun tərkib hissəsidir və Azərbaycan Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 8 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.

Bankın təqdim etdiyi məhsul və xidmətlər haqqında daha ətraflı məlumatı, bankın feysbuk, instaqram, tviter, linkedin, yutub sosial media hesablarından və ya *9229 qısa nömrəsinə zəng edərək əldə edə bilərsiniz.