Qərb ölkələri avtoritar dövlətlərin artan təhdidləri ilə üz-üzədir, qarşıdakı beş il Böyük Britaniya tarixində ən təhlükəli illərdən olacaq.
APA xəbər verir ki, bu barədə Böyük Britaniyanın Baş naziri Rişi Sunakın London “Policy Exchange” analitik mərkəzindəki çıxışının mətnində deyilir.
“Növbəti 5 ildə son 30 ildəkindən daha çox dəyişikliklər olacaq. Əminəm ki, növbəti bir neçə il ölkəmizin tarixində ən təhlükəli illərindən olacaq. İran, Çin, Şimali Koreya və Rusiya Federasiyasının daxil olduğu avtoritar dövlətlər qrupu Qərb ölkələrinə meydan oxuyur. Qarşıdakı bir neçə il ərzində həyatımızın demək olar ki, hər bir tərəfi - demokratiyadan iqtisadiyyata və cəmiyyətdən çətin müharibə və sülh məsələlərinə qədər - dəyişikliklərə məruz qalacaq”, - Sunak qeyd edib.