Baş Qərargah söz verdi: Çağırışçılar Ukraynaya göndərilməyəcək

Rusiya Baş Qərargahı xüsusi hərbi əməliyyata yaz əsgərlərini göndərməyəcəyinə söz verib.

Herbiand.az xəbər verir ki, bu barədə İnterfaks agentliyi Rusiya Baş Qərargahının Baş Təşkilat və Səfərbərlik İdarəsinin rəisi general-polkovnik Yevgeni Burdinski ilə müsahibəyə istinadən xəbər verir.

“Xidmətə çağırılan vətəndaşlar xüsusi hərbi əməliyyata cəlb olunmayacaqlar”, - Burdinski bildirib.

O, qeyd edib ki, hərbi xidmətə çağırış müddəti dəyişməz qalıb və 1 il olacaq.

Rusiyada yaz çağırışı aprelin 1-dən iyulun 15-dək davam edəcək. Aprelin 15-dən isə yeni əsgərlər qoşunlara yola salınacaqlar.

Bəxtiyar CƏFƏRLİ