Dünya
Alman jurnalistə soyqırım niyyəti sənədi ilə bağlı REAKSİYA
13:15 29.03.2024
- Smartbee
- Şikayət et
BMT-nin Fələstin üzrə xüsusi məruzəçisi Albanese alman jurnalisti tənqid edib. Albanese İsrailin soyqırım niyyəti ilə bağlı rəsmi sənədin olub-olmaması ilə bağlı sualı cavablandırıb.
AZXEBER.COM xəbər verir ki, Birləşmiş Millətlər Təşkilatının Fələstin üzrə xüsusi məruzəçisi Françeska Albanese İsrailin Qəzzada fələstinlilərə qarşı hücumlarını dəyərləndirib.
Albanese bildirib ki, İsrail Fələstin xalqına qarşı soyqırım zorakılığı siyasəti həyata keçirir.
İsrailin Qəzzaya hücumlarından bəhs edən \"Soyqırımın Anatomiyası\" adlı hesabatdan danışan Albanese BMT-nin Cenevrə ofisində mətbuat konfransı keçirib.
Albanese İsrailin hərbi rəhbərləri və əsgərlərinin Fələstin xalqına qarşı zorakılıq, soyqırım və dağıntı cəhdləri ilə qanun prinsiplərini qəsdən təhrif etdiklərini bildirib.
Albanese həmçinin qeyd edib ki, sadəcə olaraq İsraili Qəzzadakı hərəkətlərinə görə qınamaq və İsrailin beynəlxalq hüquqa hörmət etmədiyini söyləmək heç bir fayda vermir.
Vəzifəyə gəldikdən sonra davamlı tənqidlərə məruz qaldığını və bunun asan bir proses olmadığını bildirən Albanese təhdidlər aldığını, lakin bunun qətiyyətini və işinin nəticələrini dəyişmədiyini bildirib.
Albanese hesabatını martın 26-da BMT-nin İnsan Hüquqları Şurasına təqdim edib.
Nəzrin
Şərh ()