Hansı qidalanmanın intellektual hərəkətliliyi artırdığı məlum olub

Böyük Britaniyanın Uorvik Universitetinin alimləri  müəyyən ediblər ki, zülallara, yağlara və ya karbohidratlara qarşı “qərəzsiz” balanslaşdırılmış pəhriz zehni çevikliyi və informasiyanın emal sürətini artırır, həmçinin yaddaş və icra funksiyalarını (çevik düşüncə və özünə nəzarət) yaxşılaşdırır.

32gun.az xəbər verir ki, araşdırmanın nəticələri Nature Mental Health jurnalında dərc olunub.

Araşdırmada tədqiqatçılar 181 990 iştirakçı arasında tərəvəz, meyvə, balıq, ət, pendir, taxıl, qırmızı şərab, spirtli içkilər və çörəyin istehlak səviyyələrini təhlil ediblər. Tədqiqatçılar pəhriz vərdişləri haqqında məlumat əldə etdikdən sonra iştirakçıları aşağı karbohidratlı və zülallı pəhrizlərə, həmçinin vegetarianlıq və veqanizmə riayət etmələri əsasında qruplara ayırıblar. Tədqiqatçılar daha sonra subyektlərdən bilişsel və psixi sağlamlıqlarını qiymətləndirmək üçün testləri tamamlamağı xahiş ediblər.

Məlum oldu ki, balanslaşdırılmış pəhriz (yağlar, karbohidratlar, heyvan mənşəli məhsullar və artıq zülallardan imtina etmədən) intellektual hərəkətliliyə (yeni tapşırıqların və çətinliklərin öhdəsindən gəlmək qabiliyyəti), məlumatların işlənməsi sürətinin artmasına, həmçinin təkmilləşdirilmiş yaddaş, özünü idarə etmə və düşüncə çevikliyinə səbəb olur.

Nilay