Kross qərarını verməyib

"Real"ın futbolçusu Toni Kross komandadakı gələcəyi haqda qərar verməyib.

Futbolpress.az xəbər verir ki, o, bunu UEFA Çempionlar Liqasının 14 final mərhələsi çərçivəsində "Mançester Siti"yə qalib gəldikləri (pen. 4:3) matçdan sonra jurnalistlərə açıqlamasında deyib.

Alman yarımmüdafiəçi qeyd edib ki, mövsümün sonuna qədər qərar verəcək. Onun "Real"la müqaviləsi yayda bitəcək.

Kross bu mövsüm 41 oyunda 1 qol, 7 məhsuldar ötürmə ilə yadda qalıb.