İran Dövlət Televiziyası: Heç bir nüvə obyekti hədəfə alınmayıb

Təbrizdə partlayış səsi eşidilib, hava hücumundan müdafiə sistemini işə salınıb.

APA xəbər verir ki, bu barədə "Fars" xəbər agentliyi məlumat yayıb.

İranın dövlət televiziyası isə İsfahan vilayətinin hava məkanında bir neçə kiçik pilotsuz təyyarənin vurulduğunu bildirib.

İran dövlət televiziyası məlumatına görə, İsfahan şəhərində heç bir nüvə obyekti və ya nüvə obyektləri hədəfə alınmayıb.

"Mehr" xəbər agentliyinin məlumatına görə isə İsfahan səmasında 3 kiçik pilotsuz təyyarə vurulub.