“Cənub” Müdafiə Qüvvələrinin spikeri Natalya Qumenyuk vəzifəsindən uzaqlaşdırıldı

Natalya Qumenyuk “Cənub” Müdafiə Qüvvələrinin spikeri vəzifəsindən azad edilib.

Editor.az bildirir ki, bu barədə Ukrayna Silahlı Qüvvələrinin Baş Qərargahı Facebook-da məlumat verib: “Ukrayna Silahlı Qüvvələrinin Baş Qərargahı “Cənub” Müdafiə Qüvvələrinin Strateji Rabitə Mərkəzinin rəisinə qarşı rotasiya tədbirləri həyata keçirib.

O cümlədən, ezamiyyətin dayandırılması və polkovnik Natalya Qumenyukun 19.04.2024-cü il tarixindən müvafiq qoşun qrupunun qüvvə və vasitələrinin tərkibindən çıxarılması barədə qərar qəbul edilib. Baş Qərargah əlavə edib ki, hazırda “Cənub” Müdafiə Qüvvələrinin “səsi” olacaq müvafiq mütəxəssisin seçimi davam edir”.

“Cənub Müdafiə Qüvvələrinin Strateji Kommunikasiyalar Mərkəzi Ukrayna Silahlı Qüvvələrinin müvafiq akkreditasiyasına malik media nümayəndələri ilə əməkdaşlığı təşkil edərək adi qaydada fəaliyyət göstərəcək”, – Baş Qərargah əmin edib.

//Samir Qurbanov, Editor.az