Artan dövlət borcu yükü Afrikanı yol ayrıcında qoyur - UNECA

Bakı, 24 aprel, AZƏRTAC

BMT İqtisadi Komissiyasının (UNECA) icraçı katibi Klaver Qatate iqlimlə bağlı fəlakətlər nəticəsində artan dövlət borcu yükünün və maliyyə sahəsinin daralmasının Afrikanı yol ayrıcında qoyduğunu söyləyib.

AZƏRTAC Sinxua agentliyinə istinadla xəbər verir ki, icraçı katib bu barədə Efiopiyanın paytaxtı Əddis-Əbəbədə Davamlı İnkişaf üzrə 10-cu Afrika Regional Forumunda bildirib.

Qitədə iqlim dəyişikliyi və maliyyə çətinlikləri ilə bağlı kritik problemlərin həllinin aktuallığını vurğulayan Qatete Afrikanın infrastruktur və iqlim dəyişikliyi ehtiyaclarının hər il 68 milyard ilə 108 milyard dollar arasında başa gələcəyinin təxmin edildiyini vurğulayıb. Afrika liderlərinin qlobal maliyyə arxitekturasının qitənin artan ehtiyaclarını ödəmək üçün qeyri-adekvat olması ilə bağlı narahatlıqlarını ifadə etdiklərini xatırladan icraçı katib qlobal maliyyə sisteminin yenidən nizamlanmasına çağırıb.

Onun sözlərinə görə, BMT-nin Dayanıqlı İnkişaf Məqsədlərinin həyata keçirilməsi üçün qida sistemlərinin təkmilləşdirilməsi, enerjiyə çıxış və əlçatanlıq, rəqəmsal əlaqə, təhsil və sosial müdafiənin daxil olduğu əsas investisiya yolları müəyyən edilib.