Tramp hər an Baydenlə müzakirə aparmağa hazır olduğunu bildirib

ABŞ-ın keçmiş prezidenti Donald Tramp yaxın gələcəkdə hazırkı dövlət başçısı Co Baydenlə müzakirə üçün istənilən vaxt görüşməyə hazır olduğunu bildirib.

NOCOMMENT.az xəbər verir ki, bu barədə Amerikanın Action News telekanalı məlumat yayıb.

Trampın sözlərinə görə, o, hazırkı prezidentlə debat etməyi çox istərdi. ABŞ-ın keçmiş rəhbəri vurğulayıb ki, o, Baydenlə görüşə hazırdır və onu çox yaxın gələcəkdə, hətta bu gün və ya sabah keçirə bilər.

Tramp qeyd edib ki, Baydenin belə bir müzakirə apara bilməyəcəyinə və ya etmək istəmədiyinə dair sübutlar var. Amma keçmiş prezidentin sözlərinə görə, Baydenə böyük təzyiqlər olacaq, ona görə də o, sonda debata getməli olacaq.