Dünya
İsraildə məmurlara qarşı həbs orderinin verilməsi ilə bağlı gizli iclas keçirildi
15:12 25.04.2024
- Smartbee
- Şikayət et
İsrail mediasının məlumatına görə, hökumət Benyamin Netanyahu da daxil olmaqla üç adın beynəlxalq həbsinə order verilməsi imkanını müzakirə edir.
AZXEBER.COM xarici mediaya istinadən xəbər verir ki, İsrail mediası Milli Təhlükəsizlik Şurasının baş nazir Benyamin Netanyahu, müdafiə naziri Yoav Gallant və Baş Qərargah rəisi Herzi Halevi haqqında beynəlxalq həbs qərarı vermək imkanını nəzərdən keçirdiyini yazıb.
İsraildə yayımlanan \"Kanal 13”ün xəbərində Milli Təhlükəsizlik Şurasında yaxın günlərdə İsraildə yüksək səviyyəli məmurlara qarşı beynəlxalq həbs orderinin verilməsi ehtimalı ilə bağlı gizli iclas keçirildiyi bildirilib.
İclasda qeyd olunub ki, BƏM-in beynəlxalq həbs qərarı verəcəyi təqdirdə İsrail bir sıra təcili tədbirləri təsdiqləyib.
Xəbərdə Netanyahunun BƏM-in mümkün qərarının qarşısını almaq üçün Hollandiya, Çexiya və Avstriyadan olan həmkarları ilə görüşəcəyi bildirilir.
Bu çərçivədə İsrailin strateji işlər naziri Ron Dermer və İsrailin Vaşinqtondakı səfiri Mayk Hersoqun ABŞ Konqresi və ABŞ prezidenti Co Bayden administrasiyası ilə təmaslar keçirəcəyi qeyd edilib.
Nəzrin
Şərh ()