Azərbaycanın daha 3 cüdoçusu Avropa çempionatında mübarizəyə qoşulur

Bakı, 26 aprel, AZƏRTAC

Azərbaycanın daha üç cüdoçusu Xorvatiyanın paytaxtı Zaqrebdə keçirilən Avropa çempionatında bu gün tatamiyə çıxacaq.

AZƏRTAC xəbər verir ki, yarışın ikinci günündə 73 kiloqram çəkidə Hidayət Heydərov Kestutis Vitkaskas (Litva) / İndrit Kalhac (Albaniya) görüşünün qalibi, Rəşid Məmmədəliyev Darko Topaloviç (Bosniya və Herseqovina) / Coşua Qrin (İrlandiya) görüşünün güclüsü ilə qarşılaşacaq.

81 kiloqramda isə Zelim Tçkayev Nace Herkoviç (Sloveniya) / Maksim Triqub (İrlandiya) cütünün qalibini sınağa çəkəcək.

Qeyd edək ki, yarışın ilk günündə Balabəy Ağayev (60 kiloqram) gümüş medalın sahibi olub. Aprelin 27-dək davam edəcək Avropa çempionatında Azərbaycanı ümumilikdə 13 cüdoçu təmsil edir.