Bularus Rusiyanın tərəfində Ukraynaya qarşı müharibəyə qoşula bilər – Hərbi doktrinada dəyişiklik edildi

Belarus hərbi doktrinasını yeniləyərək, müttəfiqlərə yardım göstərmək imkanını əlavə edib. Söhbət, həm də hərbi personalın göndərilməsindən gedir: “Belarus,Respublikanın ikitərəfli və çoxtərəfli beynəlxalq müqavilələri əsasında, xüsusən də beynəlxalq sülh və təhlükəsizliyin qorunması üçün müvafiq tədbirlərdə iştirak etmək üçün hərbi kontingentlər göndərməklə dost dövlətlərə hərbi yardım göstərməyi mümkün hesab edir”, – sənəddə deyilir.

Doktrinada yazıldığı kimi, Belarus Respublikası Rusiya Federasiyasının da daxil olduğu İttifaq Dövlətinin üzvlərinə qarşı yönəlmiş hərbi gücdən istifadə etməklə istənilən hərəkəti bütövlükdə qəsb hesab edir və “bütün qüvvə və vasitələrdən istifadə etməklə müvafiq cavab tədbirləri görməyi vacib bilir”. Doktrinada həmçinin KTMT-yə üzv olan ölkəyə ona qarşı təcavüz olarsa, ona yardım göstərilməsinə dair bənd var. Belarus hesab edir ki, “kollektiv Qərb” Ukraynada “hərbi münaqişə” törədib və yaxın gələcəkdə Belarus sərhədləri yaxınlığında gərginlik mənbəyi yaradıb.

“Silahlı münaqişənin daha çox dəstəklənməsi və sülh yolu ilə nizamlanmanın qarşısının alınması onun eskalasiyası və iştirakçıların sayının Polşa və digər NATO ölkələri hesabına tədricən genişlənməsi üçün ilkin şərtlər yaradır”, – sənəddə deyilir.

//Samir Qurbanov, Editor.az